Haadside

Piet Adema (folút: Pieter Adema; De Pein, 6 novimber 1964) is in Frysk bestjoerder en politikus foar de KristenUny. Hy begûn syn politike wurkpaad op lokaal nivo foar it GPV, ien fan 'e foarrinners fan 'e KristenUny. Letter hied er sit yn 'e Provinsjale Steaten fan Fryslân, en fan 2007 oant 2011 wied er deputearre mei sizzenskip oer ferkear en ferfier, miljeu en earmoedebelied. Neitiid tsjinne Adema as waarnimmend boargemaster fan Achtkarspelen, Tynaarlo en Borger-Odoorn. Ek wied er acht jier lang partijfoarsitter fan 'e KristenUny. Fan 2022 oant 2024 naam Adema de swiere post fan minister fan Lânbou, Natuer en Itenskwaliteit op him yn it kabinet-Rutte IV. Mei syn plannen foar ynkrimping fan 'e agraryske sektor yn Nederlân makke er net folle freonen, mar nei't er opfolge wie troch Femke Wiersma fan 'e boerepartij BBB, die bliken dat sy mei in protte fan Adema syn plannen fierder woe.

Lês fierder

• 1564 - Ferstoarn: Gellius Faber de Bouma, Frysk pastoar en letter herfoarmer fan it leauwe (* ± 1490).
• 1632 - By de Limburchske fjildtocht fan Freark Hindrik sneuvelt foar Roermond Ernst Kazimier, de steedhâlder fan Fryslân, Grinslân en Drinte.
• 1789 - Berne: Maurits Pico Diederik fan Sytzama, Fryske politikus en bestjoerder.
• 1866 - Berne: Keimpe Sikkema, ûnderwizer en Sosjalistysk politikus († 1949).
• 1912 - Ferstoarn: Tsjalling Eeltsjes Halbertsma, Frysk skriuwer en ûnderwizer (* 1848).
• 1946 - Berne: Tineke Steenmeijer-Wielenga, konservator, learares en Frysk skriuwster.
• 1982 - Bokser Rudi Koopmans ferdigent mei súkses syn Jeropeeske titel yn it healswiergewicht tsjin syn Italjaanske útdager Christiano Cavina.